Har bache ke paas family ka support nahi hota, lekin 18 saal ki Sivani ne dikhaya ki agar seekhne ki zid ho, toh padhai hi aapki sabse badi strength ban sakti hai. 🌟

Kerala ke ATMA Gurukulam mein rehne wali Sivani ne mushkil halat ke bawajood apni padhai kabhi nahi chhodi. Aaj woh Sree Kerala Varma College se B.Com karne ke saath-saath Tally aur online courses complete kar chuki hai, aur Apni Pathshala & ATMA Foundation ke support se computer skills seekh kar ATMA Foundation mein internship kar rahi hai. Internship ke baad bhi woh rukti nahi apne free time mein nayi skills seekhti hai aur apne future ke liye khud ko prepare karti hai. Sivani ki yeh journey sabit karti hai ki sahi guidance, regular study aur mehnat se har challenge ko success mein badla ja sakta hai.